خرجت الفنانة المغربية الشابة يسرى بوحموش عن صمتها وردت على الجدل القائم حول تصريحاتها الأخيرة أثناء حلولها ضيفة على برنامج “احك لشهرزاد”.
وكشفت بوحموش في لقائها أنها تريد رجل يقبل بماضيها، ما أثار موجة من الجدل عبر مواقع التواصل الاجتماعي.
وفي رد لها عبر حسابها “بالإنستغرام” قالت بوحموش :”السلام عليكم، ليوم جيت نهضر على واحد الموضوع لي عرف ضجة كبيرة داخل أوساط الجمهور المغربي ولي تابعوا الحلقة ديالي في برنامج احك لشهرزاد.. أولا بخصوص ” المقطع ديالي في الحلقة ديال برنامج احك لشهرزاد لي ذكرت فيه أنني بغيت الرجل لي خصو يقبل بالماضي ديالي” تفهم المعنى ديالو بطريقة مختلفة على القصد لي كنت باغا نوصل أنا في الفكرة ديالي.”.
وتابعت يسرى:”مبدئيا كيفما كنعرفوا أي واحد عندو ماضي بالسلبي والإيجابي ديالو، والماضي ما هو إلا مرحلة ديال ظروف ومسارات وفترات لي الإنسان مقادرش يختارها ولا يتحكم فيها .. ولي هي ناتجة عن مجموعة من الظروف لي كتدخل فيها ظروف نفسية وظروف شخصية وظروف عائلية واجتماعية “.
وأردفت بطلة “الدم المشروك”،:”أما بخصوص المقصود ديالي يكون الرجل لي يقبل الماضي ديالي، ماشي كان محصور على واحد المفهوم لي فهموه الناس فواحد الاتجاه محدود ولكن هو بعيد كل البعد عن موضوع العلاقات بين الجنسين في الفترات الماضية. لهذا المقصود ديالي لرؤية الماضي ماشي كيفما فهموه البعض بطريقة خاطئة.. علما أن الماضي في الأصل مهما كانت الإيجابيات ديالو ولا السلبيات كيبقى مجرد محطة ماشي ديال الندم وإنما امتياز لي كيمنحك فرص تصحح أخطائك وتزيد للتقدم والنجاح وكيعطيك تجربة في الحياة لي كتخلي تكون عندك رؤية واضحة للحاضر والمستقبل.. لي تخليك تواجه وتعرف تقنية التعامل مع مختلف مراحل الحياة. وبالتالي الماضي كيفما قصدت في الحلقة بالمفهوم ديالو العام ماشي كيفما فهمود الناس وتناولوه بعض الصفحات عبر مواقع التواصل الاجتماعي”.
